अक्सनमा ‘ए’, ‘बी’ र ‘सी’ ग्रेडमा दर्ता गर्न सकिनेछ। ए ग्रेडका खेलाडीको न्यूनतम मूल्य १० लाख रुपैयाँ तोकिएको छ। उक्त मूल्य बढीमा १५ लाखसम्म जानेछ। एउटा ए ग्रेडको खेलाडीलाई १५ लाखसम्म एक भन्दा बढी टोलीको बोली लागेको खण्डमा चिट्ठा थुतिने क्यानका प्रवक्ता छुम्बी लामाले बताए।

बी ग्रेडका खेलाडीको न्यूनतम मूल्य ५ लाख राखिएको छ। बी ग्रेडका खेलाडीको उच्चतम् मूल्य १० लाख सम्म पाउनेछन्। १० लाख भन्दा बढी भएमा चिट्ठा थुतिने छ। त्यस्तै सी ग्रेडका खेलाडीको न्यूनतम मूल्य २ लाख राखिएको छ। बढीमा ५ लाखसम्म जानेछ। त्यसपछि चिट्ठा थुतिने छ।

खेलाडीलाई दर्ता गर्न एक हजार शुल्क लाग्नेछ। दर्ताको अन्तिम समय असोज १२ सम्म राखिएको छ।