काठमाडौं। सहकारी संस्था बचत रकम दुरुपयोग सम्बन्धमा संसदीय छानबिन विशेष समितिले गितेन्द्रबाबु राई (जीबी राई) समूहले हर्बो र गोर्खा ग्रुप मातहतका कम्पनीमा ऋण दिने र कानूनी परिबन्द पारेर फसाउने गरेको निचोड निकालेको छ ।
शुक्रबार सार्वजनिक गरिएको समितिको प्रतिवेदनमा धेरैको कम्पनी र सम्पत्ति कब्जा गरेको देखिएको उल्लेख छ । यसबारे छानबिन गरी कारबाही गर्नुपर्ने निष्कर्ष समितिको छ । “समग्रमा जीबी राईको समूहले हर्बो र गोर्खा ग्रुपका मातहतका व्यक्ति र कम्पनीहरूमा सहकारीको पैसा ऋण दिने, ऋण दिएबापत बिनालगानी सेयर हिस्सा लिने, विस्तारै सबै ऋणीहरूलाई धोका दिने र सम्पत्ति र कम्पनी सबै कब्जा गर्ने र ऋणीहरूलाई कुनै न कुनै कानूनी परिबन्द पारेर फसाउने गरेको र धेरैको कम्पनी र सम्पत्ति कब्जा गरेको देखिएको छ,” प्रतिवेदनमा उल्लेख छ, “यो सबै विषयको लागि सरोकारवाला सबै निकायमा निर्देशन दिएर सत्य तत्थ छानबिन गर्दै कारबाही गर्नुपर्ने देखिन्छ ।”
