काठमाडौं। प्रधानमन्त्री केपी शर्मा ओलीले भदौ ३१ गते प्रतिनिधि सभा बैठकमा सम्बोधन गर्ने भएका छन्। प्रधानमन्त्री ओली आगामी असोज ४ गते संयुक्त राष्ट्रसङ्घको ७९ औं महासभामा सहभागी हुने अमेरिका जाँदैछन्।
उक्त भ्रमणको एजेन्डाबारे जानकारी गराउन प्रधानमन्त्री ओलीले संसद्मा सम्बोधन गर्न लागेको उनको सचिवालयले जानकारी दिएको छ। भदौ २० गते बसेको मन्त्रिपरिषद् बैठकले प्रधानमन्त्रीको भ्रमण तालिका स्वीकृत गरेको थियो।
