नवलपरासी। नवलपरासीमा मोटरसाइकल दुर्घटना हुँदा चालकको मृत्यु भएको छ। सुनवल नगरपालिका–९ स्वाठी बस्ने २६ वर्षीय रामनाथ कंवरको मृत्यु भएको हो।

प्रहरीका अनुसार गएराति साढे १० बजेतिर सुनवल नगरपालिका–१२ फरौली र रामग्राम नगरपालिका–११ को सिमाना पश्चिमतिरबाट पूर्वतर्फ आउँदै गरेको लु १७ प ८७८८ नम्बरको मोटरसाइकल अनियन्त्रित भई सडकको नालीमा खसेकेको थियो।

घाइते कंवरलाई प्रहरीले जिल्ला अस्पताल परासी पठाएको थियो। करिब साढे ११ बजे चिकित्सकले उनलाई मृत घोषणा गरेको जिल्ला प्रहरी कार्यालय नवलपरासी सूचना अधिकारी प्रहरी नायब उपरीक्षक रेशम बोहराले जानकारी दिए।

उनका अनुसार घटनाबारे थप अनुसन्धान भइरहेको छ।