काठमाडौं। सरकार गठन भएको ६७ दिनपछि सत्ता साझेदार दलले ‘साझा सङ्कल्प तथा नीतिगत प्रतिबद्धता’ सार्वजनिक गरेको छ।
कांग्रेस–एमालेको गठबन्धनले साझा सङ्कल्पमा संविधान संशोधनलाई प्राथमिकतामा राखेको छ। संविधान जारी भएयता कार्यान्वयनको वस्तुनिष्ठ समीक्षा गरी संविधान संशोधनका लागि बृहत्तर सहमति गर्ने गठबन्धनको प्रतिबद्धता छ।
दुई दलबीच असार १७ मा भएको सातबुँदे सहमतिका आधारमा सरकारको साझा कार्यक्रम तयार गरिएको हो।
![सत्ता साझेदारको ७ पन्ने ‘साझा सङ्कल्प तथा नीतिगत प्रतिबद्धता’ [पूर्णपाठसहित]](https://sancharnp.com/wp-content/uploads/2024/09/sajha_karyakram-1726717158-1024x683.jpg)
