काठमाडौं। प्रधानमन्त्री तथा नेकपा एमालेका अध्यक्ष केपी शर्मा ओलीले वर्तमान सत्ता गठबन्धन २०८४ सालको मंसिरसम्म कायम रहने बताएका छन् ।
आज काठमाडौंको दरबारमार्गमा आयोजित एमालेको जागरण सभालाई सम्बोधन गर्दै अध्यक्ष ओलीले सत्ता समीकरण कायम रहनेमा ढुक्क हुन आग्रह गरेका हुन् ।
प्रधानमन्त्री ओलीले सहमतिका आधारमा १८ महिनापछि नेपाली कांग्रेसका सभापति शेरबहादुर देउवालाई सत्ता हस्तान्तरण गर्ने पनि बताए । उनले अराजकता मौलाएर बेथिति बढेकाले लोकतन्त्र खतरामा परेको र त्यही कारण कांग्रेस र एमाले मिलेर देश चलाउनुपर्ने अवस्था आएको पनि बताए ।
