२०८० फागुन १४ गते | 26th of February 2024

कोरोनाको खोप खरिदका लागि सरकारद्वारा आर्थिक सहयोगको आह्वान

कोरोनाको खोप खरिदका लागि सरकारद्वारा आर्थिक सहयोगको आह्वान
Sanchar_np प्रकाशित: २०७७ पुष २९ गते १०:४५

काठमाडौं । सरकारले कोरोना विरुद्धको खोप खरिद खरिद गर्न रकम अभाव भएको भन्दै आर्थिक सहयोगको आवह्वान गरेको छ। स्वास्थ्य तथा जनसंख्या मन्त्रालयले गोरखापत्रमा सूचना प्रकाशित गर्दै खोप खरिदका लागि आवश्यक पर्ने रकम सहयोगको आह्वान गरेको हो।
मन्त्रालयको तर्फबाट गोरखापत्रमा प्रकाशित सूचनामा खोप खरिद गरी प्राथमिकताका आधारमा न्यायोचित वितरण प्रणालीमार्फत् लक्षित समूहहरूलाई निस्शुल्क खोप उपलब्ध गराउन ठूलो रकम आवश्यक परेको बताइएको छ।
सूचनामा भनिएको छ, ‘खोप उपलब्ध गराउन ठूलो रकम आवश्यक भएकोले दातृ निकाय, विदेशी, विभिन्न व्यवसायीक एवं सामाजिक र परोपकारी संस्थालगायतलाई खातामा रकम जम्मा गरी योगदान गर्न नेपाल सरकार हार्दिक आह्वान गर्दछ।’
आर्थिक सहयोग गर्न चाहानेहरुले कोष तथा लेखा नियन्त्रकको कार्यालय त्रिपुरेश्वरको नाममा राष्ट्रिय वाणिज्य बैंकको खाता नम्बर १७००१००१०२०६०००० मा पैसा जम्मा गर्न सकिने सरकारले उक्त सूचना मार्फत जानकारी दिएको छ।

प्रतिक्रिया

Leave a Reply

Your email address will not be published. Required fields are marked *