२०८१ जेठ ११ गते | 25th of May 2024

चीनको बेइजिङमा हुने गृष्मकालीन ओलम्पिक खेलकुदमा कूटनीतिक बहिष्कार गर्ने

चीनको बेइजिङमा हुने गृष्मकालीन ओलम्पिक खेलकुदमा कूटनीतिक बहिष्कार गर्ने
Sanchar_np प्रकाशित: २०७८ मंसिर २१ गते ८:३९

एजेन्सी । अमेरिकाले चीनको बेइजिङमा हुने गृष्मकालीन खेलकुद ओलम्पिकमा कूटनीतिक बहिष्कार गर्ने भएको छ ।

चीनको मानवअधिकारलाई लिएर रहेको चासोका कारण कूटनीतिक बहिष्कारको निर्णय गरिएको अमेरिकी राष्ट्रपति कार्यालय ह्वाइट हाउसले जनाएको छ ।

बेइजिङ ओलम्पिकमा कूटनीतिकस्तरमा अधिकारीहरुको टोली नजाने अमेरिकाले घोषणा गरेको हो । तर अमेरिकी खेलाडीहरु भने सहभागी हुने छन र सरकारको पूर्ण समर्थन रहने ह्वाइट हाउसले जनाएको छ ।

चीनले यसअघि नै बहिष्कारका कुनै पनि घटनाहरुलाई त्यसरी नै प्रतिक्रिया दिने बताइसकेको छ । गत महिना अमेरिकी राष्ट्रपति जो बाइडेनले ओलम्पिकमा कूटनीतिक बहिष्कार सम्बन्धमा विचार गरिरहेको बताएका थिए ।

ह्वाइट हाउस प्रवक्ता जेन साकीले कूटनीतिक बहिष्कारको निर्णय भएको जानकारी दिएकी हुन ।

यसअघि सन १९८० मा अमेरिकाले मस्को ओलम्पिक बहिष्कार गरेको थियो, सो समयमा खेलाडीलाई पनि सहभागित हुन दिएको थिएन ।

प्रतिक्रिया

Leave a Reply

Your email address will not be published. Required fields are marked *