२०८१ साउन ८ गते | 23rd of July 2024

चीनमा फेरि लकडाउन

चीनमा फेरि लकडाउन
Sanchar_np प्रकाशित: २०७८ माघ १४ गते ११:२९

चीनमा फेरि लकडाउन भएको छ । राजधानी बेइजिङनजिकैको एक क्षेत्रमा लकडाउन गरिएको छ । कोभिड संक्रमित देखिएपछि यसै साता चीनको राजधानीबाट १०० किलोमिटर दक्षिण पश्चिममा रहेको सियोंगान न्यु एरियामा अधिकारीहरूले लकडाउन घोषणा गरेका हुन् ।
करिब १२ लाख जनसंख्या भएको सो क्षेत्र चीनको नयाँ आर्थिक क्षेत्र हो । त्यहाँका बासिन्दालाई घरबाहिर निस्कन वा त्यस क्षेत्रमा प्रवेश गर्न रोक लगाइएको स्थानीय भाइरस रोकथाम कर्मचारीले एएफपीलाई बताए ।
चीनमा हालसालै गरिएका लकडाउनलाई सार्वजनिक रुपमा घोषणा र सरकारी सञ्चार माध्यमले बृहत् रिपोर्ट गरे पनि सियोंगानको प्रतिबन्ध विनासूचना लगाइएको र त्यसले त्यहाँका केही बासिन्दामा दुविधा सिर्जना गरेको प्राप्त विवरणहरूमा जनाइएको छ ।

 

प्रतिक्रिया

Leave a Reply

Your email address will not be published. Required fields are marked *

Verified by MonsterInsights