२०८१ जेठ ११ गते | 25th of May 2024

खोप कार्ड बेचेर १८ करोड कमाउने दुई नर्स समातिए

खोप कार्ड बेचेर १८ करोड कमाउने दुई नर्स समातिए
Sanchar_np प्रकाशित: २०७८ माघ १६ गते ११:४५

कोभिड महामारीविरुध्दको खोप कार्ड बेच्ने दुई जना समातिएका छन् । कोरोनाको खोप नलगाएकाहरुलाई खोप कार्ड बेच्ने न्यूयोर्कको लङ्ग आइल्याण्डका दुई नर्स समातिएका हुन् ।
पक्राउ पर्नेमा ४९ वर्षीया जुली डेवुनो र एमिटीभिलको वाइल्ड चाइल्ड पेडियाट्रिक हेल्थकेयरमा काम गर्ने ४४ वर्षीया मारिसा उराओ रहेका छन् । डेवुनो एमिटीभिलको वाइल्ड चाइल्ड पेडियाट्रिक हेल्थकेयरका मालिक तथा मारिसा त्यसको अपरेटर रहेको बताइएको छ ।
उनीहरुले खोप कार्ड बेचेर १५ लाख डलर अर्थात नेपाली १८ करोड कमाएको अन्तर्राष्ट्रिय सञ्चारमाध्यमहरुले बताएका छन् ।
एनबिसी न्यूयोर्क डटकमले उल्लेख गरेअनुसार पक्राउ परेका उनीहरुले नक्कली खोप कार्ड बनाएबापत वयस्कहरूका लागि प्रतिव्यक्ति २ सय २० अमेरिकी डलर र बच्चाका लागि ८५ अमेरिकी डलर लिने गरेका थिए ।

 

प्रतिक्रिया

Leave a Reply

Your email address will not be published. Required fields are marked *