२०८१ जेठ ११ गते | 25th of May 2024

यी हुन् कलेजो बिग्रिएको थाहा पाउने ५ संकेत

यी हुन् कलेजो बिग्रिएको थाहा पाउने ५ संकेत
Sanchar_np प्रकाशित: २०७८ माघ १७ गते ७:२३

कलेजो हाम्रो शरीरको एक महत्त्वपूर्ण अंग हो । कलेजोले काम गर्न छोडे मानिसको मृत्यु हुन्छ । कलेजोको सम्बन्ध पाचन प्रक्रियासँग हुन्छ । यसले शरीरमा भएको विष वा विभिन्न रसायनलाई फिल्टर गरी पित्त उत्पादन गर्छ र दिसा र पिसाबको रुपमा बाहिर फाल्छ ।
यस बाहेक कलेजोका अन्य धेरै कामहरु छन् । तर शरीरको यति महत्त्वपूर्ण कलेजोमा समस्या आयो भने शरीरमा विभिन्न संकेत देखा पर्दछ । जसको तत्काल उपचार गराइहाल्नुपर्छ ।
यी हुन् कलेजोमा समस्या हुँदा शरीरमा देखिने संकेत :
– खाना मिठो नलाग्नु
खान मन लाग्दालाग्दै कुनै पनि खानाको स्वाद थाहा हुँदैन । बारम्बार स्वाद फरक लाग्छ र मुखबाट अर्कै गन्ध आउँछ ।
– रगत बान्ता हुनु
कलेजोको समस्या बढ्दै गयो भने रगत बान्ता हुन थाल्छ । बान्तामा रगतको छिर्का देखियो भने कलेजोको समस्या हुनसक्छ ।
– हातखुट्टा सुन्निने
कलेजो अस्वस्थ हुँदा हातखुट्टा सुन्निन थाल्छ । पेटभन्दा तल पनि सुन्निएको महसुस हुन्छ । यदि हात गोडा धेरै सुन्नियो भने कलेजोमा समस्या भएको हुनसक्छ ।
– छाला पहेँलो हुँदै जानु
कलेजोमा समस्या आए शरीरका छालाहरू पहेँलो हुँदै जान्छ । आँखा पनि पहेँलो हुँदै जान्छ । पिसाबमा पनि पहेँलोपना बढ्दै जान्छ । यस्तो भए कलेजोको समस्या हुनसक्छ ।
– कमजोरी
परिश्रम नगरी बारम्बार थकान र कमजोरी महसुस हुने, निन्द्रा कम लाग्ने भयो भने पनि कलेजोको समस्या हुनसक्छ ।
यी र त्यस्ता कुनै पनि लक्षणहरू देखिए तुरुन्त उपचार थाल्नु पर्छ ।

 

प्रतिक्रिया

Leave a Reply

Your email address will not be published. Required fields are marked *