२०८१ जेठ ११ गते | 25th of May 2024

ट्विटरले हटायो ६ देशको ३५०० अकाउन्ट

ट्विटरले हटायो ६ देशको ३५०० अकाउन्ट
Sanchar_np प्रकाशित: २०७८ माघ १७ गते ७:५९

ट्विटरले चीन र रसियासहित ६ देशका विभिन्न संघ–संस्थाको अकाउन्ट हटाएको छ । सरकारको अनावश्यक प्रचार गरेको भन्दै ट्विटरले ती देशहरूको अकाउन्ट हटाएको हो ।
‘चीनको अल्पसंख्यक मुस्लिम समुदाय उइगुरलाई होच्याउने लगायतका ३५०० भन्दा बढी ट्विट अकाउन्ट बन्द गरिएको छ’ ट्विटरले एक प्रेस विज्ञप्तिमा भनेको छ ।
चीनमाथि गम्भीर मानवअधिकार उल्लंघन गरेको सिनजियाङ प्रान्तका मुसलमानको नरसंहार गरेको आरोप लाग्दै आएको छ । विज्ञहरूका अनुसार १० लाखभन्दा उइगुरलाई विभिन्न शिविरमा राखिएको छ । उइगुरमाथि गर्ने व्यवहारका कारण चीनमाथि अन्तर्राष्ट्रिय समुदायले आलोचना गर्दै आएको छ ।
चीनमा फेसबुक र ट्विवटरमाथि प्रतिबन्ध छ । तर, अन्तर्राष्ट्रिय मञ्चमा आफ्ना विचार व्यक्त गर्न बेइजिङले यी दुवै सामाजिक सञ्जाल प्रयोग गर्दै आएको छ । बेइजिङ समर्थित २०४८ अकाउन्टबाहेक ट्विटरले सिन्जियाङको क्षेत्रीय सरकारसँग जोडिएको च्याङगु कल्चर कम्पनीका १ सय १२ अकाउन्ट बन्द गरिदिएको छ ।
चीनबाहेक ट्विटरले रसियाली कम्पनी इन्टरनेट रिसर्च एजेन्सीका १६ अकाउन्ट बन्द गरिदिएको छ । त्यसैगरी, मेक्सिकोका २ सय ७६ र भेनेजुएलाका २ सय ७७ अकाउन्ट बन्द गरिएको जनाइएको छ ।
त्यस्तै, नागरिक अधिकार समूह फिचुअ तान्जानियालाई निशाना बनाएको भन्दै अफ्रिकाका २६८ अकाउन्ट बन्द गरिएको छ । अर्कोतर्फ, राष्ट्रपति योवेरी मुसीभेनीको प्रचार गरेको भन्दै युगान्डामा ४ सय १८ ट्विटर अकाउन्ट बन्द गरिएका छन् ।

 

प्रतिक्रिया

Leave a Reply

Your email address will not be published. Required fields are marked *