२०८१ जेठ ११ गते | 25th of May 2024

काँग्रेस केन्द्रीय कार्यसम्पादन समितिको बैठक बोलाउने तयारी

काँग्रेस केन्द्रीय कार्यसम्पादन समितिको बैठक बोलाउने तयारी
Sanchar_np प्रकाशित: २०७८ माघ १८ गते ७:०३

नेपाली काँग्रेस केन्द्रीय कार्यसम्पादन समिति बैठक यही हप्ताभित्र बस्ने भएको छ । नेपाली काँग्रेसका उपसभापति धनराज गुरुङले पार्टीको भ्रातृ संस्थाहरुको महाधिवेशन गर्ने विषयलाई मुख्य एजेण्डा बनाएर यही हप्ताभित्र पार्टीको केन्द्रिय कार्य सम्पादन समितिको बैठक बोलाउने विषयमा छलफल भइरहेको बताएका हुन् ।
उनले तत्काल महाधिवेशन गर्नुपर्ने माग गर्दै सोमबार पार्टी केन्द्रिय कार्यालय सानेपा पुगेका नेविसंघका विद्यार्थी नेता, कार्यकर्तालाई सम्बोधन गर्दै सबै भ्रातृ संस्था तथा शुभेच्छुक संस्थाहरुको महाधिवेशनलगायतका कार्यहरु सम्पन्न गर्न पार्टीका महामन्त्रीहरूले त्यसको प्रस्तावित विधानबारे छलफल गरिरहेको जानकारी समेत दिए ।
उपसभापति गुरुङले पार्टीका तत्कालीन केन्द्रिय सदस्य एनपी साउद नेतृत्वको टोलीले भ्रातृ संस्थाहरुको बारेमा तयार पारेको विधान प्रतिवेदनमाथि गहन छलफल गरेर सबै भातृ संस्थाहरुलाई गतिशील बनाउने गरी त्यसका महाधिवेशन लगायतका कामहरु सम्पन्न गर्ने प्रतिवद्धता व्यक्त गरे ।

प्रतिक्रिया

Leave a Reply

Your email address will not be published. Required fields are marked *