२०८१ असार १ गते | 14th of June 2024

विवाहको नाचगानमा झडप हुँदा युवकको मृत्यु

Sanchar_np प्रकाशित: २०७८ फागुन ९ गते १०:५१

विवाहको नाचगानलाई लिएर भएको विवादमा कुटपिट हुँदा एक युवकको मृत्यु भएको छ। कैलालीको भजनी नगरपालिका– ९ स्थित विवाहमा भएको झगडामा सोही ठाउँ बस्ने २५ वर्षीय बसन्त चौधरीको आइतबार राति मृत्यु भएको हो।

प्रहरीका अनुसार विवाहमा बसन्तसहित सोही ठाउँ बस्ने २० वर्षीय दिनेश बिष्ट, गणेश सिंह, २५ वर्षीय लक्ष्मण बराल, २३ वर्षीय किशन बडैला, २३ वर्षीय प्रदीप कार्की, २५ वर्षीय दीपक अवस्थीलगायतका व्यक्तिहरू नाचगान गर्ने क्रममा विवाद भएको थियो। विवादपछि उनीहरुबीच झडपसमेत भएको थियो।

झडपमा कुटपिटबाट गम्भीर घाइते भएका बसन्तको घोडाघोडी अस्पताल सुख्खड कैलाली हुँदै मेडिकल कलेज कोहलपुरमा उपचार गरिएको थियो। उपचारकै क्रममा उनको मृत्यु भएको प्रहरीले जनाएको छ।

प्रहरीले कुटपिटमा संलग्न ४ जनालाइ नियन्त्रणमा लिएर अनुसन्धान थालेको जनाएको छ।

 

प्रतिक्रिया

Leave a Reply

Your email address will not be published. Required fields are marked *