२०८० फागुन २० गते | 3rd of March 2024

रुसले प्रहार गरेको बम, मिसाइलबाट युक्रेनमा १३७ जनाको मृत्यु

रुसले प्रहार गरेको बम, मिसाइलबाट युक्रेनमा १३७ जनाको मृत्यु
Sanchar_np प्रकाशित: २०७८ फागुन १३ गते ५:२३

रुसी सेनाको आक्रमणबाट युक्रेनमा १ सय ३७ जनाको मृत्यु भएको छ । युक्रेनका राष्ट्रपति भ्लोदोमिर जेलेन्सकीले रुसले प्रहार गरेको बम, मिसाइल लगायत विष्फोट पदार्थको आक्रमणमा परेका युक्रेनका १ सय ३७ जनाको मृत्यु भएको हो । आक्रमणमा परेर ज्यान गुमाउनेमा सैनिक धेरै छन् । केही सर्वसाधारणको पनि मृत्यु भएको बिबिसीले जनाएको छ ।

रुसले हिजो बिहानदेखि आक्रमण तीव्र पारेको छ । युक्रेनले आफ्नो देशको रक्षा गर्ने बताएपछि प्रतिवादमा आक्रमण बुन्न सकेको छैन । तर रुसले एकपछि अर्को गरि आक्रमण गरिरहेको छ । रुसको आक्रमणपछि मानिसहरु भागेर छिमेकी देशतर्फ जान हजारौँ लाइन लागेका छन् ।

राजधानी किभबाट आफ्नो गाडी र कतिपय पैदल हिडेर मानिसहरु देश छाड्न लागिरहेका छन् । तर युद्धका कारण मानवअधिकारकर्मी विष्फोट भएका ठाउँमा पुग्न नसकेका कारण मृत्यु भएकाको स्वतन्त्र पुष्टि हुने एकिन संख्या आउन सकेको छैन ।

साथै युक्रेनी सीमा रक्षक सेवा डीपीएसएले १८ वर्षदेखि ६० वर्ष उमेर समूहका पुरुषलाई सीमाबाट देशबाहिर जान रोक लगाएको छ । युक्रेनलाई आक्रमण गरेपछि विश्व शक्ति राष्ट्रले रुसमाथि एकपछि अर्को गरि प्रतिबन्ध लगाएका छन् तर रुसले आक्रमण रोकेको छैन । जसकारण युक्रेनमा अझै ठूलो क्षति हुन सक्ने आकलन गरिएको छ ।

 

प्रतिक्रिया

Leave a Reply

Your email address will not be published. Required fields are marked *