२०८० फागुन १४ गते | 26th of February 2024

जर्मनीले पनि रुसी सेनासँग लड्न युक्रेनलाई हतियार सहायता गर्ने

जर्मनीले पनि रुसी सेनासँग लड्न युक्रेनलाई हतियार सहायता गर्ने
Sanchar_np प्रकाशित: २०७८ फागुन १५ गते ५:४२

युक्रेनमाथि रुसले चौथो दिन पनि हमला जारी राखेको छ । रुस र युक्रेनबीचको तनाव झनै बिग्रँदै गएको छ ।

रुसी सेनाले युक्रेनको राजधानी किभलाइ चारैतिरबाट घेरा हालेको छ । बिहीबारदेखि सुरु भएको युद्धमा कम्तीमा २४० जनाको हताहत भएको राष्ट्रसंघले जनाएको छ । तर, यो संख्या अझै बढी हुनसक्ने अनुमान गरिएको छ।

पूर्वी युक्रेनको दोनेतस्क क्षेत्रमा ४० भन्दा बढी युक्रेनी सैनिकहरूले आत्मसमर्पण गरेको विवरण सार्वजनिक भएका छन् ।

चार देशसँग हवाई क्षेत्र बन्द

रुसले लिथुआनिया, लातभिया, इस्टोनिया र स्लोभेनियाका विमानहरूका लागि आफ्नो हवाइ क्षेत्र बन्द गरेको छ ।

उता, जर्मनीले युक्रेनलाई एक हजार हतियार, पाँच सय ‘स्टिङगर’, र सतहबाट हावामा मार हान्ने क्षेप्यास्त्र उपलब्ध गराउने घोषणा गरेको छ । रुसी ट्या‌ंकको प्रतिकार गर्न जर्मनीले सो सहयोग प्रदान गर्ने भएको हो ।

जर्मनीले रुससँगको हवाइ उडान पनि रद्द गर्ने भएको समाचार एजेन्सी एएफपीले जनाएको छ ।

 

प्रतिक्रिया

Leave a Reply

Your email address will not be published. Required fields are marked *