२०८१ असार १ गते | 14th of June 2024

जीवनमा आफूले पाएको राम्रो–नराम्रो सल्लाहबारे दीपिका यसो भन्छिन् …

जीवनमा आफूले पाएको राम्रो–नराम्रो सल्लाहबारे दीपिका यसो भन्छिन् …
Sanchar_np प्रकाशित: २०७८ फागुन १६ गते ११:३०

बलिउड अभिनेत्री दीपिका पादुकोणलाई हालै एक अन्तर्वार्तामा मानिसहरूबाट पाएको सबैभन्दा राम्रो र नराम्रो सल्लाह के हो भनेर सोधिएको थियो । जवाफमा उनले सबैभन्दा नराम्रो सल्लाह आफूलाई १८ वर्षको हुँदा पाएको बताइन् ।

उनले भनेकी थिइन्, ‘त्यतिबेला मलाई कसैले ब्रेस्ट सर्जरी गर्न सल्लाह दिएका थिए । यो कुरालाई मैले गम्भीररूपमा नलिएको हुँदा म खुसी छु ।’

दीपिकाले भनिन्, ‘मैले सबैभन्दा राम्रो सल्लाह शाहरुख खानबाट पाएँ र मैले उहाँबाट पनि धेरै कुरा सिकेको छु । उहाँले आफूलाई जसको साथमा काम गर्न मन लागेको छ ऊसँग सधैँ काम गर्नुपर्छ भन्नुभयो । किनकि जब तपाईं फिल्म बनाउनुहुन्छ, तब एउटा जिन्दगी जिउने गर्छौ । त्यो समयमा केही सम्झनाहरू र धेरै अनुभवहरू हुन्छ ।’

दीपिकाले सन् २००७ मा फराह खानको फिल्म ‘ओम शान्ति ओम’ बाट बलिउडमा आफ्नो करिअर सुरू गरेकी थिइन् । यस फिल्ममा दीपिकासँगै शाहरुख खान र अर्जुन रामपाल पनि थिए ।

यो फिल्म गर्दा दीपिका २१ वर्षकी थिइन् । पछि उनले ‘ये जवानी है दिवानी’, ‘चेन्नई एक्सप्रेस’, ‘ह्याप्पी न्यू इयर’, ‘बाजीराव मस्तानी’, ‘पद्मावत्’ आदि धेरै फिल्महरूमा काम गरिन् । हालै उनी अनन्या पाण्डे, धैर्य करवा र सिद्धान्त चतुर्वेदीसँग फिल्म ‘गेहराइँ’ मा देखिएकी छिन् ।

 

प्रतिक्रिया

Leave a Reply

Your email address will not be published. Required fields are marked *