२०८१ असार १ गते | 14th of June 2024

रुस किभमा भिषण आक्रमण गर्ने तयारीमा

रुस किभमा भिषण आक्रमण गर्ने तयारीमा
Sanchar_np प्रकाशित: २०७८ फागुन २७ गते ८:३४

रुसले युक्रेनको राजधानी किभमा भारी आक्रमण गर्नका लागि हतियार तथा सैनिक उपकरण पुन तैनाथ गरेको खुलेको छ । भू उपग्रहमार्फत् लिइएका तस्बीरको विश्लेषणबाट नयाँ तथ्य पत्ता लागेको अन्तर्राष्ट्रिय सञ्चारमाध्यमले जनाएका छन् ।

पछिल्ला २४ घण्टामा भू उपग्रहमार्फत् लिइएका तस्बीरमा रुसले किभको नजिकै रकेट, ट्यांक र अन्य हतियारलाई आक्रमण गर्न तयार अवस्थामा राखेको जनाइएको छ ।

पछिल्लो २४ घण्टामा रुसी फौज उत्तरी दिशाबाट राजधानी किभ भन्दा केबल ५ किलोमिटरको दूरीमा रहेको बिहीबार मात्रै अमेरिकी सैनिक अधिकारीले बताएका थिए । यसबाहेक उत्तरपूर्वी दिशाबाट पनि रुसी फौज किभतर्फ बढिरहेका छन् । यो दिशाबाट हाल रुसका हतियार एवम् सैनिक उपकरण किभभन्दा ४० किलोमिटर टाढा रहेको बीबीसीले जनाएको छ ।

यसअघि रुसी हतियार र बख्तरबन्द गाडीको लस्कर राजधानी नजिकै रोकिन पुगेको थियो । सो लस्करलाई युक्रेनी फौजले एन्टी ट्यांक हतियारद्वारा आक्रमण गरेको थियो । बिहीबार नै सार्वजनिक भिडियोमा किभ नजिकैको ब्रोभारी शहरमा युक्रेनी फौजले रुसी सैनिक लस्करमाथी आक्रमण गरेको देखिएको थियो ।

अहिले भने किभको उत्तरी क्षेत्रमा रुसी सैनिक आक्रमणका लागि तयार अवस्थामा रहेको बताइएको छ । यद्यपि आक्रमण गर्न तयारी अवस्थामा रहेका हतियार र सैनिक उपकरणको परिमाणबारे केही खुलाइएको छैन ।

 

प्रतिक्रिया

Leave a Reply

Your email address will not be published. Required fields are marked *