२०८१ जेठ ५ गते | 18th of May 2024

इरानमाथि थप प्रतिबन्ध लगाउने तयारीमा युरोप–अमेरिका

इरानमाथि थप प्रतिबन्ध लगाउने तयारीमा युरोप–अमेरिका
Sanchar_np प्रकाशित: २०८१ वैशाख ५ गते १२:१३

काठमाडौं। अमेरिका र युरोपेली संघले इरानमाथि नयाँ प्रतिबन्ध लगाउने तयारी गरेका छन्। अमेरिकी अर्थमन्त्री जेनेट येलेनले आगामी दिनमा यस दिशामा कदम चाल्न सकिने बताएकी छन्।

यसैबीच, युरोपेली संघका विदेश नीति प्रमुख जोसेप बोरेलले यस विषयमा काम गरिरहेको बताएका छन्।

इरानले गत हप्ता इजरायलमा ३०० ड्रोन र मिसाइल प्रहार गरेको थियो। इजरायलले लगभग सबै ड्रोन र मिसाइलहरू खसालेको दाबी गरेको छ। इजरायलले शनिबार आफ्नो भूमिमा भएको आक्रमणपछि तेहरानको क्षेप्यास्त्र कार्यक्रममा प्रतिबन्ध लगाउन आफ्ना सहयोगीहरूसँग माग गरेको छ।

यस कार्यक्रममा संयुक्त राष्ट्र संघको प्रतिबन्धको म्याद अक्टोबरमा सकिएको थियो। तर, तेहरानको क्षेप्यास्त्र कार्यक्रममा अमेरिका, युरोपेली संघ र बेलायतले लगाएको प्रतिबन्ध जारी छ र नयाँ प्रतिबन्ध पनि लगाइएको छ।

१ अप्रिलमा, सिरियामा इरानको वाणिज्य दूतावासमा हमला भएको थियो, जसमा इरानको रिभोलुसनरी गार्डका शीर्ष कमान्डर र उनका सहायक सहित १३ जनाको मृत्यु भएको थियो।
इरानले शनिबार इजरायलमा भएको आक्रमणलाई १ अप्रिलमा भएको घटनाको बदलाको रूपमा वर्णन गरेको छ।

इजरायलले १ अप्रिलमा भएको आक्रमणको जिम्मेवारी लिएको छैन। यद्यपि इजरायलले उचित समय आएपछि इरानको आक्रमणको जवाफ दिने दाबी गरेको छ।

प्रतिक्रिया

Leave a Reply

Your email address will not be published. Required fields are marked *