२०८१ जेठ ५ गते | 18th of May 2024

आज आईपीएलमा दिल्ली र गुजरातबीच भिडन्त

आज आईपीएलमा दिल्ली र गुजरातबीच भिडन्त
Sanchar_np प्रकाशित: २०८१ वैशाख १२ गते १०:०३

काठमाडौं। इन्डियन प्रिमियर लिग (आईपीएल) अन्तर्गत आज एक खेल हुँदैछ। आज दिल्ली क्यापिटल्स र गुजरात टाइटन्सबीच खेल हुँदैछ। दिल्लीमा हुने यो खेल नेपाली समय अनुसार राती ७ः४५ बजेदेखि शुरु हुँदैछ।

जारी आईपीएलमा दिल्ली क्यापिटल्सले ८ मध्ये केवल ३ खेल जितेको छ भने ५ खेलमा हार बेहोरेको छ। प्लेअफमा पुग्नका लागि दिल्लीले अब लगभग सबै खेल जित्नुपर्ने अवस्था रहेको छ। त्यसैगरी गुजरात टाइटन्सले अहिलेसम्म खेलेका ८ खेल मध्ये ४ खेल जितेको छ भने ४ खेलमा हार बेहोरेको छ।

दिल्ली क्यापिटल्स ऋषव पन्तको कप्तानीमा यस सिजनको आईपीएल खेल्दै छ। दुर्घटनाका कारण लामो समय क्रिकेटबाट टाढा रहेका पन्तले आईपीएलबाट क्रिकेटमा पुनरागमन गर्दै छन्। आईपीएलको प्रदर्शनले उनलाई राष्ट्रिय टिमको बाटोमा लैजाने छ। दिल्लीमा कप्तान ऋषवका अलावा कुलदीप यादव, अक्सर पटेल जस्ता भारतीय खेलाडीको भूमिका महत्वपूर्ण हुन सक्छ।

त्यस्तै डेविड वार्नर, मिचेल मार्श जस्ता विदेशी खेलाडीको भूमिका महत्वपूर्ण हुनसक्ने देखिन्छ। दिल्ली क्यापिटल्सको आईपीएलमा २०२० मा उपविजेता बनेको थियो। यो नै उसको अहिलेसम्मको सबैभन्दा राम्रो प्रदर्शन हो। गत सिजनमा दिल्ली नवौँ स्थानमा रहेको थियो।

त्यसैगरी गुजरात टाइटन्स यस सिजनमा शुभमन गिलको कप्तानीमा खेल्दै छ। गुजरातले टिम खेलेको पहिलो सिजनमै विजेता र गत सिजनमा उपविजेता बनेर बलियो टिमको उदाहरण दिएको छ।

यस टिममा गिलसहित रिद्धिमान शाह, साइ किसोर, साइ सुदर्शन, राहुल तेवातिया, उमेश यादव, अभिनव मनोहर जस्ता भारतीय खेलाडीको भूमिका महत्वपूर्ण हुने देखिन्छ भने डेविड मिलर रशिद खान, अज्मतुल्लाह ओमरजाइ, केन विलियम्सन जस्ता विदेशी खेलाडीको भूमिका ठुलो हुने देखिएको छ।

गुजरात टिम खेलेको पहिलो सिजनमै विजेता र गत सिजनमा उपविजेता बनेको थियो।

प्रतिक्रिया

Leave a Reply

Your email address will not be published. Required fields are marked *