२०८१ असार ३१ गते | 15th of July 2024

सरकारले विपत् जोखिम न्यूनीकरणका लागि युद्धस्तरमा तयारी गरोस्– सांसद केसी

सरकारले विपत् जोखिम न्यूनीकरणका लागि युद्धस्तरमा तयारी गरोस्– सांसद केसी
Sanchar_np प्रकाशित: २०८१ असार १ गते १४:१५

काठमाडौं। नेपाली काँग्रेसका सांसद अर्जुननरसिंह केसीले मनसुनजन्य जोखिम न्यूनीकरणका लागि युद्धस्तरमा तयारी गर्न माग गरेका छन् ।

शुक्रवार बसेको प्रतिनिधि सभा बैठकको शून्य समयमा बोल्दै सांसद केसीले सरकारसँग यस्तो माग गरेका हुन् । उनले विश्वमा नेपाल प्राकृतिक जोखिमको ११ औं स्थानमा रहेको बताए । उनले भूकम्पले जाजरकोट रुकुमको त्रास बिर्सन नपाउँदै बाढी, पहिरो, चट्याङले ठूलो क्षति पुर्याएको र आगालागिबाट प्रत्येक वर्ष दुई अर्ब भन्दा नोक्सानी र सयौँ नेपाली ज्यान गुमाउनुपरेको बताए । उनले विपद्जोखिम न्यूनीकरण प्राधिकरणले यो वर्ष मनसुनजन्य विपतमा १८ लाख नागरिक र ४ लाख १२ हजार परिवार प्रभावित हुने अनुमान गरेको बताए । उनले पहिला भएका घटनाको अहिलेसम्म पुनः स्थापनाका लागि काम गर्न नसकेको बताए ।

उनले भने ‘विश्वमा नेपाल प्राकृतिक जोखिमको ११ औं स्थानमा छ । भूकम्पले जाजरकोट रुकुमको त्रास बिर्सन नपाउँदै बाढी, पहिरो, चट्याङले ठूलो क्षति पुर्याएको छ । आगालागिबाट प्रत्येक वर्ष दुई अर्ब भन्दा नोक्सानी र सयौँ नेपाली ज्यान गुमाउनुपरेको छ । विपद्जोखिम न्यूनीकरण प्राधिकरणले यो वर्ष मनसुनजन्य विपतमा १८ लाख नागरिक र ४ लाख १२ हजार परिवार प्रभावित हुने अनुमान गरेको छ । ४ सय बस्ती उच्च जोखिममा छ । पहिला भएका घटनाको अहिलेसम्म पुनः स्थापना हुन सकेको छैन भने सरकार युद्ध स्तरमा आउनुपर्ने हो त्यसरी आउन सकेको छैन । कर्णप्रिय नारा र निर्देशनमा अलमलिएको छ । सरकारले विपत् जोखिम न्यूनीकरणका लागि युद्धस्तरमा तयारी गरोस् ।’

उनले सरकार विपद् जोखिमको लागि काम गर्ने भन्दा पनि कर्णप्रिय नारा र निर्देशनमा अलमलिएको आरोप लगाए । उनले सरकारले विपद् जोखिम न्यूनीकरणका लागि युद्धस्तरमा तयारी गर्न आवश्यक रहेको बताए ।

प्रतिक्रिया

Leave a Reply

Your email address will not be published. Required fields are marked *

Verified by MonsterInsights