२०८१ असार ३१ गते | 14th of July 2024

बाढीपहिरो पीडितलाई राहतको व्यवस्था मिलाउन राष्ट्रिय जनमोर्चाको माग

बाढीपहिरो पीडितलाई राहतको व्यवस्था मिलाउन राष्ट्रिय जनमोर्चाको माग
Sanchar_np प्रकाशित: २०८१ असार १७ गते १४:११

काठमाडौं। राष्ट्रिय जनमोर्चाका अध्यक्ष चित्रबहादुर केसीले बाढीपहिरोमा परी घरबारविहीन भएकालाई यथाशीघ्र राहतका साथै उचित बसोबासको व्यवस्था मिलाउन पनि सरकारसमक्ष माग गरेका छन् । उद्धार पछिको राहत, क्षतिपूर्ति तथा स्वास्थ्य उपचार लगायतका विषयलाई समेत केन्द्रमा राखेर योजना बनाउनु पर्ने आवश्यकतामा उनले जोड दिएका हुन् ।

मनसुन सुरु भएको प्रारम्भिक दिनहरूमा समेत वर्षाले मच्चाएको विध्वंस र त्यसबाट उत्पन्न क्षतिलाई हेर्दा सरकारका विभिन्न निकायहरू, मौसम विभाग, विपद् व्यवस्थापन, रोकथाम, उद्धार लगायतलाई अझै बढी सतर्क र क्रियाशील गराउनु पर्ने आवश्यकता देखिएको पार्टीको भनाई छ । केसीद्वारा जारी विज्ञप्तिमा भनिएको छ, ‘समयमा नै यो विषयमा ध्यान जान नसके आगामी दिनमा अझ थप क्षति हुन सक्ने सम्भावनालाई अस्वीकार गर्न सकिन्न । त्यसैले त्यो अवस्था आउन नदिन सरकारले सुरुमै ध्यान दिनु पर्ने आवश्यकतामा जोड दिन्छौँ ।

बाढी पहिरोमा परी मृत्यु हुनेहरूप्रति हार्दिक श्रद्धाञ्जली व्यक्त गर्दै शोक सन्तप्त परिवारप्रति पार्टीले समवेदना प्रकट गरेको छ । साथै घाइतेहरूको यथोचित उपचारको व्यवस्था गर्न सरकारसँग माग गर्दै घाइतेहरूको शीघ्र स्वास्थ्यलाभको कामना गरेको छ ।

 

प्रतिक्रिया

Leave a Reply

Your email address will not be published. Required fields are marked *

Verified by MonsterInsights