२०८१ असार ३१ गते | 14th of July 2024

यी क्षेत्रमा भारी वर्षाको सम्भावना, सावधानी अपनाउन अनुरोध

यी क्षेत्रमा भारी वर्षाको सम्भावना, सावधानी अपनाउन अनुरोध
Sanchar_np प्रकाशित: २०८१ असार १८ गते ११:५३

काठमाडौं। सोमबार देशका भू–भागमा भारी र अति वर्षाको सम्भावना छ ।

मौसम पूर्वानुमान महाशाखाका अनुसार कोशी, मधेश, बागमती, गण्डकी र सुदूरपश्चिम प्रदेशका थोरै स्थानमा भारी वर्षाको सम्भावना रहेको हो । यस्तै, कोशी, बागमती र गण्डकी प्रदेशका एक÷दुई स्थानमा अति वर्षाको सम्भावना रहेको महाशाखाले जनाएको छ । देशका केही स्थानमा बिहानैदेखि वर्षा भइरहेको छ । कोशी, मधेश, बागमती, गण्डकी र लुम्बिनी प्रदेशका धेरै स्थानमा तथा बाँकी प्रदेशका थोरै स्थानमा मेघगर्जन र चट्याङसहित हल्कादेखि मध्यम वर्षा भइरहेको छ ।

दिउँसो कोसी, बागमती, गण्डकी र सुदूरपश्चिम प्रदेशका थोरै स्थानमा भारी वर्षाको सम्भावना छ । कोशी, बागमती र गण्डकी प्रदेशका एक÷दुई स्थानमा धेरै भारी वर्षाको सम्भावना छ ।

राति देशभर साधारणतयादेखि पूर्णतया बदली रहनेछ । कोशी, मधेश, बागमती र गण्डकी प्रदेशका केही स्थानमा तथा देशका बाँकी भूभागका थोरै स्थानमा मेघगर्जन र चट्याङसहित हल्कादेखि मध्यम वर्षाको सम्भावना रहेको महाशाखाले जनाएको छ । कोशी, मधेश, बागमती र गण्डकी प्रदेशका थोरै स्थानमा भारी वर्षाको सम्भावना छ । कोशी र गण्डकी प्रदेशका एक÷दुई स्थानमा अति वर्षाको सम्भावना रहेको महाशाखाले जनाएको छ ।

आगामी चार दिन देशभर मनसुन सक्रिय रहँदा धेरै स्थानमा वर्षाको सम्भावना छ । भारी र अति वर्षाको सम्भावना रहेका क्षेत्रमा गेग्रान बहाव, बाढी, पहिरो तथा भूक्षयका जस्ता प्रकोपको जोखिम रहेकाले सतर्कता अपनाउन अनुरोध महाशाखाले गरेको छ ।

प्रतिक्रिया

Leave a Reply

Your email address will not be published. Required fields are marked *

Verified by MonsterInsights