२०८१ असार ३१ गते | 14th of July 2024

निकुञ्ज, आरक्षण र मध्यवर्ती क्षेत्रको जिम्मा स्थानीय सरकारलाई दिनुपर्छ– मन्त्री साह

निकुञ्ज, आरक्षण र मध्यवर्ती क्षेत्रको जिम्मा स्थानीय सरकारलाई दिनुपर्छ– मन्त्री साह
Sanchar_np प्रकाशित: २०८१ असार २१ गते १४:३५

काठमाडौं। वन तथा वातावरणमन्त्री नवलकिशोर साह सुडीले सरकारी कार्यालयहरूमा स्वदेशी काठ उपयोग हुनेगरी कानुन निर्माण गर्नुपर्ने बताएका छन् ।

बिहीबार राष्ट्रियसभा बैठकमा सांसदहरूले मन्त्रालयगत बजेटमाथि राखेका जिज्ञासाको जवाफ दिने क्रममा उनले सो कुरा बताएका हुन् । मन्त्री साहले मुलुकमा रोजगारीको समस्या समाधान गर्न पनि सो कदमले महत्त्वपूर्ण योगदान पु¥याउने दाबी गरे । निकुञ्ज, आरक्षण र मध्यवर्ती क्षेत्रको जिम्मा स्थानीय सरकारलाई दिनुपर्ने प्रस्ताव पनि गरे । स्थानीय जनताको पीडा सम्बोधन गर्न पनि सरकारले सो क्षेत्रको जिम्मा स्थानीय सरकारलाई दिन उचित हुने मन्त्री साहको तर्क थियो ।

“मध्यवती क्षेत्रलाई स्थानीय सरकारको जिम्मा लगाउनु पर्छ । त्यसको अधिकार स्थानीय सरकारलाई दिँदाखेरी त्यहाँको जनताको पीडा र दुःख हरण गर्न पनि सो काम गर्नुपर्छ । त्यसका लागि आवश्यक कानुन जतिसक्दो छिटो बनाउनु पर्छ । सरकारी कार्यालयहरूमा स्वेदशी काठको उपयोग हुने गरी कानुन निर्माण गर्नुपर्छ,” उनले भने । मन्त्री साहले वन ऐन संशोधनको विषयमा पनि आफूले पहल गरिरहेको उल्लेख गरे ।

प्रतिक्रिया

Leave a Reply

Your email address will not be published. Required fields are marked *

Verified by MonsterInsights