२०८१ असार ३१ गते | 14th of July 2024

फ्रान्सका बामपन्थी गठबन्धनका नेता भन्छन्– प्यालेस्टाइन राज्यलाई मान्यता दिन्छौँ

फ्रान्सका बामपन्थी गठबन्धनका नेता भन्छन्– प्यालेस्टाइन राज्यलाई मान्यता दिन्छौँ
Sanchar_np प्रकाशित: २०८१ असार २५ गते १२:४९

काठमाडौं। फ्रान्सको संसदीय चुनावमा वामपन्थी गठबन्धन न्यू पपुलर फ्रन्टका नेता जीन लुक मेलेन्सनले आफ्नो गठबन्धनले प्यालेस्टाइन राज्यलाई मान्यता दिने बताएका छन्।

हालै चार युरोपेली देश स्पेन, नर्वे, आयरल्याण्ड र स्लोभेनियाले प्यालेस्टिनी राज्यलाई मान्यता दिएका छन्।

आइतबार भएको दोस्रो र अन्तिम चरणको निर्वाचनमा नयाँ पपुलर फ्रन्टले १८२ सिटमा अग्रता लिएको छ र आगामी सरकारमा ठूलो भूमिका खेल्ने भएको छ। मेलेन्सनले आगामी प्रधानमन्त्री नयाँ पपुलर फ्रन्टबाट हुने बताए।

एक साताअघि भएको पहिलो चरणको निर्वाचनमा चरम दक्षिणपन्थी दल नेशनल ¥याली बहुमततर्फ अघि बढेपनि गत आइतबार भएको दोस्रो र अन्तिम चरणमा भने तेस्रो स्थानमा झरेको थियो।

राष्ट्रपति म्याक्रोनको केन्द्रवादी गठबन्धन दोस्रो स्थानमा आयो।

फ्रान्सको संसदीय निर्वाचनको नतिजा सार्वजनिक भएपछि राजधानी पेरिसका केही स्थानमा हिंसात्मक प्रदर्शनसमेत भएको छ। उता वामपन्थी समर्थकरुले आइतबार रातिदेखि पेरिसको सडकमा ठूलो सङ्ख्यामा विजय जुलुस निकालेका छन्।

 

प्रतिक्रिया

Leave a Reply

Your email address will not be published. Required fields are marked *

Verified by MonsterInsights