२०८१ असार ३१ गते | 14th of July 2024

भारतको आसाममा बाढीबाट २३ लाख मानिस प्रभावित

भारतको आसाममा बाढीबाट २३ लाख मानिस प्रभावित
Sanchar_np प्रकाशित: २०८१ असार २५ गते १३:२२

काठमाडौं। भारतको आसाममा अविरल वर्षासँगैको बाढीका कारण २३ लाख मानिस प्रभावित भएका छन्। बाढीका कारण २९ जिल्लाका ९८ गाउँ डुबानमा परेको स्थानीय अधिकारीहरूले जनाएका छन्।

मिसमरी चार, बोरोचर, इगराची चार, बोगमारी, हातीपोरी, अल्गा चार, हटियाला चा, चतियारा, डेका चार, वार चार क्षेत्रका बाढीले सबै सडक डुबानमा परेपछि स्थानीयवासी मारमा परेका छन्।

आसामका जलस्रोतमन्त्री पिजुस हजारिकाले आइतबार दराङ जिल्लाका बाढी प्रभावित क्षेत्रको भ्रमण गरी अवस्थाको जानकारी लिए।

‘बाढीले असममा चारवटा तटबन्ध भत्किएका छन्। नदी किनारमा धेरै विनाश भएको छ,’ उनले भने, ‘हामीले अवस्थालाई गम्भीरतापूर्वक अनुगमन गरिरहेका छौँ।’

ब्रह्मपुत्र नदी र यसका सहायक नदीहरूमा पानीको स्तर अहिले घटिरहेको बताइएको छ।

प्रतिक्रिया

Leave a Reply

Your email address will not be published. Required fields are marked *

Verified by MonsterInsights