२०८१ असार ३१ गते | 14th of July 2024

बाँदर नियन्त्रण गर्न बागलुङमा ‘मङ्की पार्क’

बाँदर नियन्त्रण गर्न बागलुङमा ‘मङ्की पार्क’
Sanchar_np प्रकाशित: २०८१ असार २६ गते १२:०५

बागलुङ। बाँदरले करेसाबारीमा लगाएका तरकारीदेखि बार्दलीमा झुण्डयाएर राखिएका सामान नष्ट गरिदिएपछि जैमिनीवासी आजित बनेका छन्।

जैमिनी नगरपालिका–४ की मायादेवी पौडेलले बाँदरले बालीनाली सबै सखाप पार्दा धेरै नोक्सानी ब्यहोर्नुपरेको गुनासो पोखिन्। उनले भनिन्, ’यतिबेला बारीमा लगाइएको मकैले घोगा हाल्न थालेको छ।

बाँदरले बोट नै सखाप पारिदिन थालेको छ। बाँदर धपाउन एकजना दिनभर खटिनुपर्ने बाध्यता छ। पहिलापहिला कहिलेकाहीँ मात्र बाँदर देखिन्थ्यो, अहिले त बाह्रै महिना गाउँमै बस्न थालेको छ, एउटा भए पो धपाउन पनि सजिलो हुन्छ, हुल हुन्छ, एक्लै त धपाउन पनि सकिन्न।’

काठेखोला गाउँपालिका–५ का बलिभद्र कँडेलले बाली जोगाउन हरेक दिन एकजना कुरुवा राख्नुपर्ने बाध्यता रहेको बताए। पछिल्लो समय घर छेउका जङ्गल बढ्दै गएपछि बाँदरको बास नै गाउँमा हुन थालेको उनले बताए। ’पहिले केही आवाज आउने वस्तु बजाउँदा बाँदर भाग्ने गर्दथ्यो। आजभोलि निकै चलाख र बाठो हुँदै गएपछि मान्छेलाई नै झम्टन्छ।

बारीको बाली एकै छिनमा नष्ट गरिदिन्छन्, हामीहरू कता जाने भन्ने भइसक्यौँ,’ उनले भने। बाँदर नियन्त्रण गर्न पालिकाले पहल नथालेको स्थानीयवासी गुनासो गर्दछन्। जैमिनी नगरपालिकाले यसका लागि ‘मङ्की पार्क’ बनाउने योजना बनाएको छ। योजनाले भने सार्थकता पाउन सकेको छैन ।

 

प्रतिक्रिया

Leave a Reply

Your email address will not be published. Required fields are marked *

Verified by MonsterInsights