२०८१ असार ३१ गते | 14th of July 2024

फ्रान्सलाई हराउँदै स्पेन १२ वर्षपछि युरोकपको फाइनलमा

फ्रान्सलाई हराउँदै स्पेन १२ वर्षपछि युरोकपको फाइनलमा
Sanchar_np प्रकाशित: २०८१ असार २७ गते १२:३५

काठमाडौं। स्पेन युरो कपको फाइनलमा प्रवेश गरेको छ।

म्युनिखमा बुधबार बिहान भएको पहिलो सेमिफाइनलमा फ्रान्स माथि २–१ को पुनरागमन जित दर्ता निकाल्दै स्पेन १२ वर्षपछि युरोको फाइनलमा पुग्न सफल भएको हो।

नवौं मिनेटमा नै फ्रान्सले खेलमा अग्रता लियो। केलियन एम्बाप्पेको सुन्दर क्रसमा रान्डाल कोलो मुआनीले हेडर मार्फत गोल गर्दै फ्रान्सलाई अग्रता दिलाएका थिए।

२१औं मिनेटमा स्पेनले बराबरी गोल ग¥यो। गोल गर्ने खेलाडी थिए १६ वर्षीय लामिन यमाल। बक्स बाहिरबाट उनले गरेको उत्कृष्ट प्रहारले पोस्टमा लागेर जाली चुमेको थियो।

२५औं मिनेटमा स्पेनले अग्रता लियो। जिसस नाभासको क्रस क्लियर भएपछि बक्स भित्र नै ड्यानी ओल्मोको खुट्टामा पुगेको थियो। उनले बललाई सुन्दर ढङ्गले बल नियन्त्रणमा लिएर गरेको शक्तिशाली प्रहार गोलमा परिणत भएको थियो। त्यसपछि खेलमा कुनै गोल भएन र स्पेन फाइनलमा पुग्न सफल भएको छ।

स्पेनले अब आज राति हुने इङ्ल्यान्ड र नेदरल्याण्ड्स बीचको दोस्रो सेमिफाइनलको विजेतासँग फाइनल खेल्नेछ। फाइनल खेल आगामी सोमबार हुनेछ।

प्रतिक्रिया

Leave a Reply

Your email address will not be published. Required fields are marked *

Verified by MonsterInsights