२०८१ असार ३१ गते | 14th of July 2024

रुसमा विपक्षी नेता अलेक्सेईकी श्रीमतीविरुद्ध पक्राउ पुर्जी

रुसमा विपक्षी नेता अलेक्सेईकी श्रीमतीविरुद्ध पक्राउ पुर्जी
Sanchar_np प्रकाशित: २०८१ असार २७ गते १३:५९

मस्को। रसियाको एक अदालतले तत्कालीन विपक्षी नेता अलेक्सेई नाभाल्निकी श्रीमती युलियालाई पक्राउ गर्न मंगलबार आदेश दिएको छ ।

अलेक्सेईको यो वर्षको सुरुमा रुसी जेलमा मृत्यु भएको थियो । युलियाले सन् २०२१ मा रुस छोडेकी थिइन् । युलिया श्रीमानको मृत्युपछि जर्मनीमा बस्दै आएकी छन् । रुस फर्किएमा उनी तुरुन्तै पक्राउ पर्नसक्ने समाचारमा उल्लेख छ । अलेक्सेइको गएको फेब्रुअरीमा रुसको पेनल कोलोनीस्थित जेलमा मृत्यु भएको थियो । उनको मृत्युलाई लिएर प्रश्न उठिरहेका छन् । उनी रुसमा भ्रष्टाचार बढेको विषय र रुसी राष्ट्रपति भ्लादिमिर पुटिनका कडा आलोचक थिए ।

युलियाले आफ्ना श्रीमानलाई रुसी राष्ट्रपति पुटिन र रुस सरकारले मारेको आरोप लगाएकी थिइन् । उनले अलेक्सेईका तर्फबाट अघि बढाएका काम आफूले जारी राख्ने बताएकी थिइन् । रुसको बेसमान्नी डिस्ट्रिक्ट कोर्टको प्रेस अफिसले वक्तव्य जारी गर्दै उनलाई पक्राउको आदेश दिएको हो । यसमा उनीमाथि लगाइएको अभियोग भने खुलाइएको छैन । युलियाकी प्रवक्ता किरा यार्मिसले सामाजिक सञ्जाल एक्समा अदालतले उनीमाथि अतिवादी समूहमा सहभागी भएको जनाएको उल्लेख गरेकी छन् ।
(द हिल)

प्रतिक्रिया

Leave a Reply

Your email address will not be published. Required fields are marked *

Verified by MonsterInsights