सत्तारुढ गठबन्धनको बैठक बालुवाटारमा बस्दै
काठमाडौं । सत्तारुढ गठबन्धनको बैठक बस्ने भएको छ ।
प्रधानमन्त्री निवास बालुवाटारमा सोमबार अपरान्ह बस्नेगरी गठबन्धनका शीर्ष नेताहरुको बैठक बोलाइएको हो ।
स्रोतका अनुसार बैठकमा राजदूत नियुक्ती, राष्ट्रिय सभाको रिक्त सदस्य पदका लागि हुने चुनाव, प्रतिनिधि सभा र प्रदेश सभाका उपनिर्वाचन लगायत विषयमा छलफल हुनेछ ।
बैठकका लागि नेपाली कांग्रेस, नेकपा माओवादी केन्द्र, नेकपा (एकीकृत समाजवादी), जसपा र राष्ट्रिय जनमोर्चाका शीर्ष नेतालाई बोलाइएको छ ।
माओवादी केन्द्रका नेता नारायणकाजी श्रेष्ठले पछिल्लो समय गठबन्धनको बैठक बस्न नसकेकोमा असन्तुष्टी जनाएका थिए ।
प्रधानमन्त्री देउवा बेलायत भ्रमणबाट फर्केपछि पहिलोपटक गठबन्धन बैठक बस्न लागेको हो ।
प्रतिक्रिया