फ्रान्सबाट बेलायततर्फ गइरहेको डुङ्गा पल्टदा ३१ जनाको मृत्यु
![फ्रान्सबाट बेलायततर्फ गइरहेको डुङ्गा पल्टदा ३१ जनाको मृत्यु](https://sancharnp.com/wp-content/uploads/2021/11/7dcfea51-ad32-4d0b-a10b-98845c72a1a4-large3x4_BoatcrashonLakeButtedesMorts.jpg)
एजेन्सी । फ्रान्सबाट बेलायततर्फ गइरहेको डुङ्गा पल्टदा ३१ जनाको मृत्यु भएको छ ।
उत्तरी बन्दरगाह क्यालेसमा डुङ्गा पल्टदा ३१ आप्रवासीको डुबेर मृत्यु भएको अन्तराष्ट्रिय सञ्चार माध्यमहरुले जनाएकाछन् ।
फ्रान्सेली गृह मन्त्रालयका अनुसार दुर्घटना भएको जानकारीपछि जहाज घटनास्थलमा पठाएर उद्धार गरिएको छ । धेरै मानिस पानीमा बेहोस अवस्थामा भेटिएको जनाइएको छ ।
अधिकारीहरूले खोजी अभियानमा तीन हेलिकप्टर र तीनवटा डुङ्गा परिचालन गरिएको बताएका छन् ।
फ्रान्सेली अधिकारीहरुका अनुसार यस वर्षको सुरुदेखि अहिलेसम्म ३१ हजार ५ सय मानिसले बेलायत जाने प्रयास गरेका छन् । जसमध्ये ७ हजार ८ सय जनाको उद्धार गरिएको छ ।
यो संख्या अगस्टदेखि दोब्बर भएको छ । बेलायती प्रधानमन्त्री बोरिस जोनसनले यस घटनाबाट आफू आतंकित भएको बताउँदै मानव तस्कर गर्ने गिरोहलाई रोक्न बेलायतले कुनै कसर बाँकी नराख्ने बताएका छन् ।
प्रतिक्रिया