वर्षा सिवाकोटीको शिव अवतार
![वर्षा सिवाकोटीको शिव अवतार](https://sancharnp.com/wp-content/uploads/2022/03/Barsha-Siwakot_Shiva.jpg)
Sanchar_np
प्रकाशित: २०७८ फागुन १७ गते ६:२९
आज मंगलबार महाशिवरात्रि पर्व । शिवरात्रिको अवसरमा नेपाली चलचित्रका केही कलाकारले आफूलाई भगवान शिवको रुपमा ढालेर तस्वीर खिचाएका छन् । विशेषगरी शिवरात्रिमा पुरुष कलाकारहरुले आफूलाई बढी शिवको अवतारमा ढाल्ने गरेका थिए । तर यसपटकको शिवरात्रिमा अभिनेत्री वर्षा सिवाकोटीले पनि फोटोसुट गरेकी छन् । वर्षाले आफूलाई शिवको अवतारमा फोटोसुट गरेकी हुन् ।
तर वर्षाले शिवरात्रिमा आफू अहिलेसम्म व्रत भने नबसेको बताइन् । उनले भनिन्, ‘म शिवरात्रिमा व्रत बस्दिनँ । तर शिव भगवानलाई भने मान्छु । शिवजस्तो पति पाउँ भन्ने चाहना पनि मेरो छैन ।’
शिवरात्रिमा पुरुष कलाकारले बढी शिवको अवतारमा फोटोसुट गर्ने भएकाले पनि यसपटक केही नयाँ गरौं भनेर आफूले पनि फोटोसुट गराएको उनले बताइन् । शिवरात्रिको दिनमा पनि आफू म्युजिक भिडियो छायांकनमै व्यस्त रहेको वर्षाले बताइन् ।
प्रतिक्रिया