रियलको पुनरागमन जित
![रियलको पुनरागमन जित](https://sancharnp.com/wp-content/uploads/2022/03/o-1.jpg)
स्पेनिस ला लिगा फुटबलमा रियल मड्रिडले पुनरागमन जित निकालेको छ ।शनिबार राति भएको खेलमा रियलले रियल सोसिडाडलाई ४-१ गोल अन्तरले हराएको हो ।
रियलको मैदानमा सुरुआती अग्रता भने सोसिडाडले बनाएको थियो ।
खेलको दशौँ मिनेटमा मिकेल ओयार्जाबलले पेनाल्टीबाट गोल गर्दै सोसिडाडलाई अग्रता दिलाएका थिए ।
तर, ४० औं मिनेटमा एडुवार्डो कामाभिन्गाले गोल गर्दै रियललाई १-१ गोलको बराबरीमा ल्याए । खेलको ४३ औं मिनेटमा लुका मोड्रिचले गोल गरेपछि रियल २-१ ले अघि रह्यो ।
करिम बेन्जिमाले ७६ औं मिनेटमा पेनाल्टीमा गोल गर्दै रियललाई ३-१ को अग्रता दिलाए ।
त्यसपछि खेलको ७९ औं मिनेटमा मार्को एसेन्सियोले गोल गर्दै रियललाई ४-१ को जित दिलाए ।
यस जितसँगै रियलले २७ खेलमा ६३ अंक जोडेको छ । रियलले आठ अंकको अग्रता बनाएको छ ।
रियल शीर्ष स्थानमा रहेको छ । सोसिडाड २७ खेलमा ४४ अंक जोडेर छैटौं स्थानमा रहेको छ ।
प्रतिक्रिया