इन्टरपोलबाट रुसलाई निकाल्ने माग खारेज, तर एजेन्सीले लियो ठूलै निर्णय

विश्वभरीका प्रहरी एजेन्सीहरुको संगठन इन्टरपोलले अन्य देशमा भएका आफ्ना वान्टेड अपराधीलाई हिरासतमा लिने रुसको अनुरोधमा विशेष प्रक्रिया अन्तर्गत कारवाही गरिने बताएको छ ।

बीबीसी रुसी सेवाको रिपोर्ट अनुसार इन्टरपोलका महासचिवको कार्यालयलाई मात्र रुसको आवेदनमा निर्णय गर्ने अधिकार दिइनेछ । त्यहाँबाट स्वीकृति पाएपछि मात्रै रुसको अनुरोध अन्य देशमा पठाइनेछ ।

यो निर्णयको उद्देश्य रुसले इन्टरपोललाई राजनीतिक मुद्दाका लागि नगरोस् भन्ने सुनिश्चित गर्नु रहेको बताइएको छ । इन्टरपोलले एक बयानमा भनेको छ, ‘इन्टरपोलको कामकाज आधारभूत तटस्थतामा आधारित छ ।’

रुसलाई इन्टरपोलबाट बाहिर निकाल्ने थुप्रै देशले अपिल गरेका थिए तर अन्तर्राष्ट्रिय प्रहरी एजेन्सीले त्यो खारेज गरिदिएको छ ।