रेफ्रीलाई बोतल प्रहार, खेल रद्द
![रेफ्रीलाई बोतल प्रहार, खेल रद्द](https://sancharnp.com/wp-content/uploads/2022/03/reffre.jpg)
Sanchar_np
प्रकाशित: २०७८ चैत ५ गते ६:१०
काठमाडौं । जर्मन बुन्डेसलिगा अन्तर्गत बोचुम र मोन्चेनग्लाडवाचबीचको खेल रद्द गरिएको छ ।
समर्थकले सहायक रेफ्री क्रिस्टियन गिटलम्यानमाथि बियरको बोतल प्रहार गरेपछि बोचुम र मोन्चेनग्लाडवाचको खेल रद्द गरिएको हो ।
खेलको ७७ औं मिनेटमा रेफ्री क्रिस्टियनलाई दर्शकदीर्घाबाट बोतल प्रहार भएको थियो। बोलतले उनको टाउकोमा लागेको थियो ।
जतिबेला मोन्चेनग्लाडवाचले २-० को अग्रता बनाएको थियो । मोन्चेनग्लाडवाचका अलासेन प्लेया र ब्रेल एम्बोलोले एक एक गोल गरेका थिए ।
त्यसपछि सुरक्षाको कारण देखाउदै खेल रद्द गरिएको हो । रद्द भएको खेलबारे बुन्डेसलिगा केहि बताएको छैन ।
यता घटनापछि बोचुमले भने माफी मागेको छ ।
प्रतिक्रिया