काठमाडौं । सहिद स्मारक ‘बी’ डिभिजन लिग फुटबल प्रतियोगितामा सरस्वती युथ क्लब र श्री कुमारी क्लबले बराबरी खेल्दै अंक बाडेका छन् ।
एन्फा कम्प्लेक्समा शनिबार भएको खेलमा सरस्वती र श्री कुमारीले १-१ गोलको बराबरी खेलेका छन् ।
खेलको ४४ औं मिनेटमा विपिन मगरले गोल गर्दै श्री कुमारीलाई सुरुआती अग्रता दिलाएका थिए । तर, खेलको ८६ औं मिनेटमा सनम धिमालले गोल गर्दै सरस्वतीलाई १-१ गोलको बराबरीमा ल्याएका थिए ।
यस बराबरीसँगै सरस्वतीले ६ खेलमा १२ अंक जोडेको छ । सरस्वती शीर्ष स्थानमा उक्लिएको छ । श्री कुमारीले ६ खेलमा ६ अंक जोडेको छ ।
प्रतिक्रिया