काठमाडौं। पाथिभरामा केबलकार बनाउने विषयलाई लिएर झडप भएको छ ।

शुक्रवार पाथिभरामा केबलकार बनाउन दिने र नदिने पक्षबीच विवाद हुँदा उक्त झडप भएको हो ।

जिल्ला प्रहरी कार्यालय, ताप्लेजुङका अनुसार शुक्रवार दिउँसो १ बजे काफ्ले पाटीमा केबलकार निर्माण शिलान्यास कार्यक्रम राखिएको थियो ।

उक्त कार्यक्रमलाई अर्को पक्षले बिथोल्न खोज्दा झडप भएको प्रहरीले जनाएको छ । उक्त कार्यक्रममा नेकपा एमालेका जिल्ला अध्यक्ष डम्बरध्वज तुम्बाहाम्फे, फुङलिङ नगरपालिकाका मेयर अमिर मादेनलगायत सहभागी थिए ।