काठमाडौँ । भदौ २३ र २४ गतेको घटना सम्बन्धी छानबिन गर्न बनेको जाँचबुझ आयोगले प्रहरी महानिरीक्षक चन्द्रकुबेर खापुङलाई स्पष्टीकरण सोधेको छ । आयोगलाई छानविनका लागि सहयोग नगरेको भन्दै स्पष्टीकरण सोधेको हो । आयोगले प्रहरी प्रधानकार्यालयसँग भदौ २३ र २४ गते फिल्डमा  खटिएका प्रहरी कर्मचारीहरुको विवरण  माग गरेकोमा  विवरण समयमा उपलब्ध नगराएको र आयोगले पुनः ताकेता गरेपछि पठाएको जवाफमा आइजिपीदेखि जवानसम्म खटिएको भन्ने ठाडो जवाफ पठाएको थियो ।