काठमाडौं। बर्दियामा भरूवा बन्दुकसहित तीनजना पक्राउ परेका छन् । मधुवन नगरपालिका–३ स्थित कोठिया सामुदायिक वनबाट एक थान भरूवा बन्दुकसहित उनीहरूलाई आइतबार राति प्रहरीले पक्राउ गरेको हो ।

पक्राउ पर्नेमा राजापुर नगरपालिका–१०, नर्सरी बस्ने ६३ वर्षीय चन्द्रबहादुर भण्डारी समेत तीनजना छन् । जिल्ला प्रहरी कार्यालय बर्दिया र इलाका प्रहरी कार्यालय ढोढरीबाट खटिएको प्रहरीले उनीहरूलाई बन्दुकसहित पक्राउ गरेको जनाइएको छ ।