बुटवल। थाइल्याडको बैंककबाट भैरहवास्थित गौतम बुद्ध विमानस्थल आएको थाइ एअर एसियाको विमान भैरहवाको आकाशमा करिब १ घण्टा होल्ड भएको छ।
गौतम बुद्ध विमानस्थलको भिजिबिलिटी कम भएका कारणले थाइ एअर एसियाको विमान आकाशमा होल्ड भएको हो।
गौतम बुद्ध विमानस्थलका सूचना अधिकारी विनोद राउतले विमान कम्पनीहरूले आआफ्नो भिजिबिलिटीको मापदण्ड बनाउने हुँदा थाइ एअर एसियाले कम देखेका कारण आकाशमा होल्ड भएको बताए।
सोही समयमा जजिरा विमान विमानस्थलमा अवतरण गरेपनि थाइ एअर एसियाका पाइलटलाई कम भिजिबिलिटी लागेकाले केही समय होल्ड गरेको उनले बताए।
उनले अनुकूल भिजिबिलिटी हुनासाथ थाइ एअर एसियाको विमान अवतरण गरिएको बताए।
सम्बन्धित समाचार
लोकप्रिय समाचार
