काठमाडौं। नेपाल प्रिमियर लिग (एनपीएल) अन्तर्गत आज भएको पहिलो खेलमा कर्णाली याक्स विजयी भएको छ । लुम्बिनी लायन्सलाई पाँच रनले हराउँदै कर्णालीले जित हात पारेको हो ।
टस हारेर पहिले ब्याटिङ गरेको कर्णालीले निर्धारित २० ओभरमा ८ विकेटको क्षतिमा १२८ रन बनाएको थियो । कर्णालीका लागि विलियम वसिस्टोले सर्वाधिक ४४ रन बनाएका थिए । अर्जुन घर्तीले २५ तथा बाबर हयातले २० र चाडविक वाल्टनले १३ रनको पारी खेलेका थिए ।
बलिङतर्फ लुम्बिनीका विकास आग्रीले तीन विकेट लिएका थिए । तिलक भण्डारीले दुई तथा रोहित पौडेल, साद बिन जाफर र रामोन सिमोन्ड्सले समान एक विकेट लिएका थिए ।
जवाफी ब्याटिङमा उत्रिएको लुम्बिनीले निर्धारित २० ओभरमा सात विकेटको क्षतिमा १२३ रन मात्र बनायो । लुम्बिनीका लागि टम मुर्सले सर्वाधिक ३६ रन बनाएका थिए । सन्दीप जोराले २४, आशुतोष घिरैया र साद बिन जाफरले १६–१६ तथा अर्जुन साउद र कप्तान रोहित पौडेलले क्रमशः १३ र १० रन बनाए ।
बलिङतर्फ कर्णालीका जीशान मक्सूदले दुई विकेट लिए । सोमपाल कामी, नन्दन यादव, विपीन शर्मा र विलियम वसिस्टोले एक–एक विकेट लिए ।
लुम्बिनीको यो जारी प्रतियोगिताको अन्तिम खेल हो । लुम्बिनीले कुल सात खेलमध्ये एकमा जित र ६ मा हार बेहो¥यो । कर्णालीले भने ६ खेलमा चार जित हात पारेको छ भने दुई हार बेहोरेको छ ।
