जोडिनुहोस
  • होमपेज
  • कजाकिस्तानमा दुर्लभ मानिने पाँच सयभन्दा धेरै समुद्री सिल मृत भेटिए

कजाकिस्तानमा दुर्लभ मानिने पाँच सयभन्दा धेरै समुद्री सिल मृत भेटिए

काठमाडौं। कजाकिस्तानमा दुर्लभ मानिने पाँच सय भन्दा धेरै समुद्री सिल मृत भेटिएका छन् । अक्टोबर २४ देखि नोभेम्बर ७ तारिखसम्म पाँच सय ३४ वटा मृत सिललाई तटमा ल्याइएको कजाकिस्तानको मत्स्य पालन समितिले जनाएको छ ।

क्यास्पियन सागर पाँच देश अजरबैजान, इरान, कजाकिस्तान, रुस र तुर्कमेनिस्तानको सिमानामा रहेको एउटा बन्द समुद्र हो । क्यास्पियन सागरमा रहेका समुद्री सिल सागरको किनारमा आएको प्रदूषण वा रोगका कारण खतरामा परेका कजाकिस्तानका अधिकारीहरूले बताएका छन् ।

सडेको अवस्थामा फेला पारेर ती सिललाई नमूना परीक्षणका लागि प्रयोगशालामा लगिएको र मृत्युको वास्तविक कारणसहितको नतिजा आउन चार महिना लाग्नसक्ने अधिकारीहरुलाई उद्धृत गरी समाचार संस्था एएफपीले जनाएको छ ।

अन्तर्राष्ट्रिय प्राकृतिक संरक्षण सङ्घले पछिल्ला वर्ष सिलहरूको सङ्ख्या घट्दै गएकाले यसलाई खतरामा परेको प्रजातिको सूचीमा राखेको छ । क्यास्पियन सिल विश्वको सबैभन्दा ठूलो अन्तर्देशीय जलाशयमा रहने एकमात्र स्तनधारी प्राणी हुन् ।

यिनीहरुको सङ्ख्या घट्दै जानुले जैविक विविधता र प्राणीहरूमाथि गम्भीर खतरा उत्पन्न हुने देखाएको जीव वैज्ञानिकहरुले बताएका छन् ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

लोकप्रिय समाचार

प्रचलन खबर

धेरै टिप्पणी गरिएका

छुटाउनु भयो कि?