जोडिनुहोस
  • होमपेज
  • दक्षिण कोरियाका राष्ट्रपति योलविरूद्ध पक्राउ पुर्जी जारी

दक्षिण कोरियाका राष्ट्रपति योलविरूद्ध पक्राउ पुर्जी जारी

काठमाडौं। दक्षिण कोरियाका राष्ट्रपति यून सुक योलविरूद्ध पक्राउ पुर्जी जारी भएको छ। दक्षिण कोरियाली अदालतले मंगलबार उनीविरूद्ध पक्राउ अनुमति जारी गरेको रोयटर्सले जनाएको छ।

डिसेम्बर ३ मा सैन्य शासन लागु गरेपछि उनीविरूद्ध महाअभियोग लागेको छ। महाअभियोगको प्रस्ताव पारित भएसँगै उनी निलम्बित छन्। उच्चस्तरीय व्यक्तित्वहरू माथि छानबिन गर्न बनेको भ्रष्टाचार अनुसन्धान कार्यालयले पनि पश्चिमी सउल जिल्ला अदालतबाट पक्राउ अनुमति लिइएको पुष्टि गरेको छ।

दक्षिण कोरियाको इतिहासमा कुनै राष्ट्रपतिविरूद्ध नै पक्राउ अनुमति लिएको यो पहिलो पटक हो। योन्हाप समाचार एजेन्सीले कार्यालयलाई उदृत गरेको समाचार अनुसार जनवरी ६ भित्र राष्ट्रपतिलाई पक्राउ गरी सउल डिटेन्सन सेन्टरमा राख्ने तयारी छ।

युनलाई तीन पटकसम्म सोधपुछका लागि कार्यालयले बोलाएको थियो। तर उनी उपस्थित नभएको रोयटर्सले जनाएको छ। अदालतले यूनको कार्यालयमा सर्च गर्न पनि अनुमति दिएको छ। केही दिनअघि कोरियाका कार्यवाहक राष्ट्रपति एवं प्रधानमन्त्री हान डक सूलाई पनि महाअभियोग लगाएको हो।

विपक्षी दलहरूले कार्यवाहक राष्ट्रपति सूले यूनविरूद्धको महाभियोग प्रक्रियालाई अगाडि नबढाएको आरोप लगाउँदै उनीविरूद्ध पनि महाभियोग प्रस्ताव दर्ता गरेका थिए। गत शुक्रबार भएको मतदानमा १९२ जनाले महाभियोग प्रस्तावको पक्षमा मतदान गरेपछि पारित भएको थियो।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

लोकप्रिय समाचार

प्रचलन खबर

धेरै टिप्पणी गरिएका