काठमाडौं। स्वास्थ्य तथा जनसंख्या मन्त्रालयले बाढी पहिरोपछि विभिन्न रोग फैलिनसक्ने भन्दै सतर्कताका निम्ति सबैमा आग्रह गरेको छ । मन्त्रालयले खानेपानीका स्रोतहरू प्रदूषित भएकाले त्यसबाट पानीजन्य रोग फैलिनसक्ने भन्दै यस्तो आग्रह गरेको हो ।
यही अवस्थामा किटजन्य, छालाजन्य, श्वासप्रस्वासजन्य तथा मानसिक समस्या पनि देखिनसक्ने भन्दै रोकथामका निम्ति सरोकारवालाहरूलाई सजग गराएको छ । जनस्वास्थ्य सुरक्षाका लागि आवश्यक औषधि, उपकरण र स्वास्थ्यकर्मीको व्यवस्थापन गर्न स्थानीय तह र जिल्लास्तरमा समन्वय भइरहेको मन्त्रालयले जनाएको छ ।
हालसम्म बाढी प्रभावित २१ जिल्लामा ५६२ जना अस्पताल भर्ना भएको, १०८ जनाले शल्यक्रियासहितको सेवा लिएको मन्त्रालयको तथ्यांक छ ।
